2013/09/05

Nongotarrak ote?

- Hi, hauek nongotarrak dira?
- Argi zagon, lagun, gutarrak.
- Hi baino azkarragorik inor, txotxolo! Hori bazakiat, baina matrikula...
- Matrikula ederra, ezta? Gutarra, zalantzarik gabe!
- Baina zer dira? Frantziarrak, Nafartarrak, Eskual Herritarrak, Arranoren adiskideak?
- Iparraldekoak! Bertzerik behar ala? Hau dun, hau, gure herriaren metamorfosia, lurraldearen nortasun falta! Hi, funtsa zein da?
- Zein?
- Eskualdunak ote?
Ontsa!

2013/08/16

Lagunak ote?

- Arazurin ere, halako txerriak nahi, Unai!
- Txerria aita, bertzea behorra duk eta.
- Bazakiat, txotxolo! Dena den,ongi moldatzen dituk.
- Lezio ederra, aita.
- Mila esker,seme!
- Ez, bi lau hankadun hauek ematen dutena: Antzarik piperrik ez, ulertu ere ez eta ezberdinak izanik, berdinak dituk.
- Datorren hauteskundeetan nire botoa haiendako, hala prefosta!

2013/08/10

Mendiak gorago, bazterrrak ederrago

- Aita, non da Urkulu?
- Gandorrean bertan gaudek, seme!
- Eta dorre erromatarra?
- Ikusi ez bada ere, gure gibelean, Mendizar mendia baino haratago.
- Baina Urkulu Ttipin ez...
- Hori ere, gibelean zaukaagu.
- Orduan, non gaude?
- Mariren magalean, arbasoen hegalean, naturaren indarrean.

2013/04/22

Gezurraren gainean, gezur

- Hona hemen Pilotasoro gailurra!...
- Zer duk Pablo?
- Mendian geundela uste nian, baina eguzkiak jota nahasirik iruzurgile gorbatadunen biltokira heldu gaituk.
- Ez diat piperrik ulertzen! Argi ezak burua, arren!
- Maparen arabera, Pilotasoro gailurrean gaudek, baina hemen ez zagok ez pilotarik, ez sororik. Beraz, gezurraren gainean, gezur: Iruzurgileen aberrian bizi gaituk, lagun!
- Hi bai, hi  burutxoroa!

2013/01/21

Sumendia

- Pablo, Sumendia!
- Eta hi kaka handia, txotxolo!
- Hara motel! Burmuina hoztu zaik, ala? Adi mendiak sumendiaren antza dik.Begirazak!
- Barkaidak, Irudimari, baina hura ez duk Adi mendia.
- Zein da, orduan?
- Etna sumendia.
- ....

2013/01/07

Noren borda?




- Ederra lekua!
- Baita udako borda ere!.
- Udako borda?
- Bai, teilaturik gabekoa delakoz.
- Erorita zagok, Pablo!
- Olentzaro gixajoa...





2013/01/01

Ur goiena...

- Hau zer da Irati?
- Erreka,Pablo! Hau  baino argiagorik ez!
- Hona hemen gure marijakintsua! Hori argi zagon, Irati. Nik, ordea bertze gauza bat jakin nahiko niken.
- Tira, bota!
- Badakinanez, urtats ospatzeko koadrilak herriko iturriaren lehenbiziko ura hartu eta etxez etxe kantuz eta eske ibiltzen ditun, kanta honoko honekin hasten delarik: ur goiena, ur barrena...
- Ta?
- Ta hori! Ur hau zer da? Goiena goian dagoelakoz edo barrena basoan barna doalakoz?

Olentzaro joan zaigu

- Jokin, non sartu ote zaigu Olentzaro?
- Begirazak aintzinat, gibelean ez zagok eta.Zer duk, Pablo?
- Arranopola! Kalejira amaitu bezain fite, joan zaiguk. Galderatxo batzuk argitzea nahi nitian.
- Ze galdera?
- Ze galdera? Badakik Jokin, norekin bizi den, Mari Domingirekiko harremanak garbiak diren,...
- Hireak egin dik, motel! Balitekek datorren urtean ez etortzea...