Iheslariaren ihesa

- Iragarpenek bete-betean asmatu ditek, lagun! Aterik eta goxo eguraldia.
- Hala baldin badiok, gaitzerdi! Ene ustez eguraldi petrala Pablo: Ze-nolako laino hertsia! Ze giro heze!
- Udazkena izanik zer nahi duk, gizon? Giro umela? Garaian garaikoa, bertzerik ez.
- Eta begibistak? Gure muturra, bertzerik ezin diagu ikusi!
- Jakina, baina horri esker norberaren berreneko ihesak eta hutsegiteak agerian  jarri eta iheslari bihurtzen gaitik, motel.
- Baina ezin diagu ihes egin, gure gizartearen zurrunbiloan murgilduta gaudelakoz. Ezin zioagu uko egin.
- Hi bai zurrunbiloa. Uko agian ez, baina men eginik inoiz ez, lagun! Hori duk gure ihesaren edertasun eta indarra!

San Simon eta San Juda, non ote da?

- Hi lagun, noiz ote da?
- Ea noiz ote den zer, Pablo?
- Negua.
- Udazkenean gaudek, irailaren 21etik abenduaren 21a artio.
- Hara! Izan zenaren Xabier Letek errana, negua atzo hasten zuelakoan mendi-inbernala egitera prestaturik etorri naun.
- Eguraldi petral honekin derrigorrez Pablo, baina udazkena duk gezurra eman arren.
- Beraz, udazkenean baldin bagaude, ez din hainbertze eguraldi petrala egiten, ez elurrik, ez haizeterik... Dena gure buruaren itxurapenak, ametsetako begitazioak...
- Hi bai ametsetako begitazioa! Zabaltzak begiak eta tira!
- Tira bai, baina laino itxi honetan norantzako bidea hartu behar?
- Txotxolo, kasu egin GPS-ari! Galduko gaituk eta!
- Hara neska! Bizitzaren estualdietan gure erabakiak bertze edonork hartu behar? Beti GPS-ari men eginez ibiltzen gara ezbairik gabe edo gure bizitzaren ardurak guk geuk hartu behar? Hau koxka!
- Halako egoera petral honetan GPS-ari men eginzak, mesedez!
- Hi sasijakintsu! GPS-ari men eginez lainopean, elurte petralean, murgildu beharko geniken...nire senak, ordea, aitzineko aterpera jotzea erraten din.

Gure irakurle zintzo hau: Nori eginen hioke kasu?
Hartzan/k ardura!

Zubi forala

 

- Haiek oporrak haiek, Pablo!
- Norekin ari ote haiz?
- Nire baitarekin, oroitzapenez beteriko antzinako zubi foralari buruz. Haiek bai oporrak, haiek!
- Ze, Hong-Kongnerako bidaia egin zenuten? Edo Nepalen ibili zineten? Hala...?
-Bai zera, txotxolo! Askoz leku xarmangarriagorat, guztietatik arras

  ixolaturik, gure buruan murgiltzen, naturaz gozatzen...
- Antartidan ote?8
- Ez Antartidan, ez martantidan, Nafarroan bertan, lagun: hain hurbil eta hain ezezagun.Ezetz asmatu!

 

Akats ortografikoa?

- Jatorrak herri hontakoak!
- Ze, Pablo?
- Herrira heldu eta Ola jartzen din, herritikan atera eta, berriz, Ola. Horren erranahia hauxe dun laztana: Ez diten etorritakoak joaterik nahi.
- Hi, burubolo, Ola auzoaren izena duk, ez gaitiztek agurtzen, trafiko-seinalea bertzerik ez duk!
- Jakina! Eta eskualdunak direlakoan, Ola h-itsuz idazten diten!
- Arraioa! Hi eta hire buru argitsu, zuek biok bai itsu!
- Aizan! Ezetz jakin nola erran: Akats ortografikoa ala ortografia-akatsa?
- Nola edo hala, nik ortografi hutsegite edota ortografia-hutsegite erabiliko nikek, Pablo.
- Orduan, elkarrizketa hontako izenburua zuzen ala oker?

Spikeren omenez

Udazkena heldu zian eta harekin batera aldaketa nabarmenak ene bizitzan: Larrialdietatik Larrialdietara eta harekin batera hire joana.
Joan izan haiz bai gure lurmundutik, baina ez gure baitarengandik.

Adiorik ez, Alberto! 

Iluro-efektua

- Pablo, ze ari haiz?
- Ene azken aurkikuntzaz gozatzen!
- ?
- Hi, Iluro-efektu ikaragarria!
-?
- Bai andre! Udazken egun argienetan eguzkiak ekialdetikan jotzen duenetan, ezker eskua goratuz gero, itzalean eskuin eskua goratzen dela zirudin.
-?
- Aurkikuntza honek teoria guztiak hankaz gora jartzen ditin: Uste duguna ez dun izaten eta izaten dena ez dun uste duguna izaten . Beraz, nire burutazioak zuzenak ditun,hots, udazkeneko egunetan bururatzen zaizkidan pablokeriak taxuzko burutazioak ditun.
- Eta hi zer haiz? Burutazio hutsa edo akala?

Bihar ere...

Iluntasunean bizi izan haiz maitia, nora jo ez hekiela, amesgaiztoek bahiturik, sufrimenduek isildurik. Ilunpetan ari izan haiz bihotza, hire burua ezin maitatu, gure laguntza ezin eskatu.
Aitzitik, espero genuen eguna argitu din, ponpoxa.